Ni mom ptoka...

21.07.2006, 16:41

Łostatnio lotom z leksza jak poczaskany. Jak yno ida na plac to durś wychylom łep w prawo i lewo coby zejrzeć czi aby ftoś, fachmen jakiś łod ptoków mie nie śledzi i łepy z placu bez łokno do środka nie wrażo. Cza chyba bydzie antryj gratami i roztomaitym pieroństwem zaciepać. Bele czułbych sie bezpiecznij, najlepiej jak jeszcze łokna gardinom zasuna i je łotransparentuja.”NI MOM PTOKA - NIE ŁAMIA PRAWA” – tak dla zmyłki. Żoden gizd antyterorysta do środka nie wlezie, a jak na dodatek nie byda włanczoł muzyki na fol, jeno byda siedzioł cicho z pyskiem jak mysz pod mietłom, to żoden w ogóle nie bydzie wiedzioł, że siedza w izbie.

Łod tych nerwów nabawiłech sie hercklekotów, mom globusa i kuje mie w boku kole wątroby - trudno by było inaczej. Jedno co wiym, to że mie żoden dochtor i lazarety już nie pomogom. Chyba mi piere łostro na mózg, jak lygna i zawra ślypia coby sie wyluzować, pieronem ze snu zrywajom mie jakieś czaski. Czasami nawet we śnie widza jakoś ptasio komisyja – łażom z haftami łod izby do izby i sznupiom kaj się do. Tela co do mie bez sen dołazi to, że szukajom ptoków.

Tak że, w moim przipadku kożdy miołby mokro w batkach. W końcu nie som żech ptasi posiadacz, bo i hodowców łod ptoków u nos na pęczki, ale ptoki czimołech, czimia i byda czimoł.

Czytołech niedowno ogłoszynie w necie i ślepia ze zdumienia żech przeciroł „kożdy hodowca i posiadacz ptoków mo tyn stan żeczy zgłosić.” Tak wienc kajś cza lotać do burmistrza, starosty abo innygo komendanta coby zgłosic wiela ich sie mo, kaj sie je czimie no i łopisać dane fto je fto i fto je mo. Kiedyś po prowdzie nawet miołech plana na założynie strusij hodowli. Zdowało się dyć styknie, że wezna konsek placu kajś u gospodorza, ze sztachetów zrobia zagroda, a kasa sama bydzie do pormanyji lecieć. Nici z tego wyszło, co nie znaczy że prawa nie łomia bo wedle dziołchów z kolejki gizd ze mie, chachor i bandzior pieronowy.

No i nie wiem kaj, ale chyba poleca zgłosić do protokołu: Posiadany drób - dwa ptoki, stan - stały, umrziki, miejsce przebywania drobiu - lodówka.

Radza i wom zrobić się w lodówce remanent bo we Pszczynie jak i kraju - właścicieli ptoków jak piosku na łąckij plaży. A nik nie zno dnia ani godziny kiedy do dom wlezom. Późnij łostanie yno szporowanie - na mandat łoczywiście.

pin

T G+ F

Komentarze:

Świąteczny Weekend Zakupów w Pszczynie

Świąteczny Weekend Zakupów w Pszczynie

d wielu lat w okresie bożonarodzeniowym spotykamy się na Pszczyńskim Jarmarku Świątecznym. Z powodu pandemii w tym roku to tradycyjne wydarzenie nie...
35 lat Muzeum Prasy Śląskiej

35 lat Muzeum Prasy Śląskiej

uzeum Prasy Śląskiej im. Wojciecha Korfantego w Pszczynie obchodzi 35-lecie istnienia. Z okazji jubileuszu zastępca burmistrza Barbara Sopot-Zembok...
Uhonorowani przez Sybiraków

Uhonorowani przez Sybiraków

Sybiracy w podziękowaniu za wieloletnią współpracę wręczyli odznaki władzom powiatu i pracownicom pszczyńskiego starostwa
Pszczyna: Budżet na 2021 rok przyjęty

Pszczyna: Budżet na 2021 rok przyjęty

rzyszłoroczne wydatki gminy Pszczyna wyniosą niemal 324 mln zł. Taką decyzję podjęli radni, którzy opowiedzieli się za przyjęciem uchwały...
Apel w sprawie trudnej sytuacji Uzdrowiska

Apel w sprawie trudnej sytuacji Uzdrowiska

15 grudnia Rada Gminy Goczałkowice-Zdrój przyjęła uchwałę w sprawie wystąpienia z apelem do premiera dotyczącym uzdrowiska
Konkurs "Pierwsze zdjęcie na Instagramie"

Konkurs "Pierwsze zdjęcie na Instagramie"

Już wkrótce Gmina Pawłowice będzie miała swój profil na Instagramie. Z tej okazji ogłoszony został konkurs „Pierwsze zdjęcie na Instagramie”